DELPHINI

DELPHINI

apud Iuvenal. l. 2. Sat. 6. v. 587. et seqq.

Plebeium in circo positum est, et in aggere fatum,

Quae nudis longum ostendit cervicibus aurum,

Consulit ante Phalas Delphinorumque columnas.

Columnae erant in medio Circo, inter metas, cum aliis Circi ornamentis et columnis positae. In Euripo illos locat Cassiod. cum de Circo loquens, Euripus, ait, maris vitrei reddit imaginem, unde illum Delphini quasi aequorei intersluunt: ubi nomine Euripi quid veniat intelligendum, infra dicemus. Erat nempe inter alias Circi columnas quaedam, quibus insculpti delphini, vel quibus delphini pro basi fuêre. Unde Tertullian. de Spectac. Delphinos Neptuno vomunt columnae. Sessias a sementationibus etc. Auctorem et usum indigitat Dio, ubi de Agrippa, cum videret in Circo homines saepe errare circa numerum spatiorum docurrendorum, τούς τε δελφῖνας, inquit, καὶ τὰὠοειδῆ δημιουργήματα κατεςτήςατο, ὅπως δὶ αὐτῶν αἱ περίοδοι τῶ περιδρόμων ἀναδεικνύωνται, Delphinas et ovales fabricas constituit, quibus circuitus curriculorum notarentur ac numerarentur. vide infra, ubi de Ovis Circi. Ibidem viles et triviales Astrologos consulebant mediocres et plebeiae feminae, spatium utrinque metarum seu intermetium perambulantes, ut ex Iuven. verbis citatis liquet etc. Salmas. ad Solin. p. 909. et seqq. Sed et Delphini, ministeriis Ecclesiae accensentur, Gregor. Mag. l. 1. Ep. 66. Anastas. in Silvestre, Hilario alibiqueve: ubi ornamenta maiorum lychnuchorum denotari, ait Car. du Fresne Glossar. de Tribunali Atheniensium τῷ ἐπὶ Δελφίνιῳ, vide infra in voce. Dicaste.